WENYE UALBINO WAGOMBEE UCHAGUZI 2020

Na, Juventus Juvenary-KAHAMA

Chama cha watu wenye ualbino TAS wilaya ya Kahama Mkoani Shinyanga kimewataka wanachama wake wenye sifa kushiriki katika Uchaguzi mkuu kwa kugombea nafasi mbali mbali za uongozi ili kupata wawakilishi watakaotetea haki zao

Bw. Ngassa Mrisho Kabata ni mwenyekiti wa TAS wilayani humo ambaye anasema ikiwa Chama hicho kitapata wawakilishi katika ngazi mbalimbali, watakuwa mstari wa mbele kutetea haki zao na kurahisisha utatuzi wa  changamoto  zinazwakabili kwa sasa

Alisema ikiwa kwenye uchaguzi mkuu utakaofanyika Oktoba mwaka huu watachaguliwa watu wenye ualbino wanaweza kuongeza juhudi za  kuwatetea

Naye, Kulwa Lusana mkazi wa Kijiji cha Mbizi kata ya Mega wailayani Kahama ni  mmoja wa wahanga wa ukatili dhidi ya watu wenye ualbino ambapo Mwaka 2011 akiwa nyumbani kwao majira ya saa 7 usiku alivamiwa na watu wasiojulikana wakamkata mkono wake wa kulia .

Aidha, mmoja wa wakilishi wa mashirika yasiyo ya kiserikali wanaojihusisha na utetezi wa haki za watu wenye ulemavu, na mkurugenzo wa shirika la Life secure and Relief services Bw. Denis Bwile anasema kuwa na Ualbino hakumzuii mtu kugombea na kuchaguliwa kuwa kiongozi. Hivyo, ni haki ya kila mtu kushiriki katika Uchaguzi ujao.