WAUZAJI WA DAWA ZA BINADAMU WAPEWA SOMO

Wauzaji  na wamiliki wa dawa mhimu za Bianadamu wametakiwa kutekeleza majukumu yao kwa kuzingatia sheria,kanuni na taratibu za afya ili kuepusha madhara kwa wananchi

Wito huo umetolewa na Bi. Winifrida Moremi, mfamasia kutoka  Baraza la famasi Tanzania Idara ya elimu na Mafunzo wakati akitoa vyeti kwa wahitimu wa mafunzo ya wamiliki wa maduka ya dawa katika Chuo cha Sayansi za afya Kahama

Bi.Moremi amesema ni wajibu wa kila mhudumu na mmiliki wa duka la dawa muhimu za bianadamu kuzingatia sheria na kanuni ili kuhakikisha huduma zao zinaboresha afya za wananchi

Awali katika hafla ya kukabidhi vyeti kwa wahitimu 74, mkuu wa chuo cha Sayansi za afya Kahama Dkt.Mashaka Cosmass ameataka wahitimu kutumia elimu waliyopata kutoa huduma

Bw.Jovitho Jovin, na Neema Christopher ambao ni baadhi ya  wahitimu wa mafunzo hayo muhimu yaliyoanza tangu March mwaka huu wanayataja kuwa nguzo muhimu katika huduma zao kwa jamii.