TAARIFA YA UKATILI WILAYANI NGARA

TAARIFA YA UKATILI WILAYANI NGARA

Jana Mei 25,2023 Nilipokea Simu ya Katibu wa Umoja wa Wanawake Tanzania U.W.T Wilaya ya Ngara Bi. Neema Twaha Chamani kuhusu tukio la Ukatili.

Tukio linamhusu mtoto mdogo wa darasa la kwanza katika Shule moja ya msingi Wilayani Ngara jina limehifadhiwa ambapo imeelezwa wakati akielekea Shuleni asubuhi,alilawitiwa na kijana aitwaye Niyombele Ndayisenga mkazi wa Kijiji cha Nyabisindu kata ya Kabanga.

Baada ya maelezo,ilifahamika kuwa mtoto huyo alitendewa tukio hilo baya Mei 9 mwaka huu hali iliyolazimu kuanza kufuatilia hadi Kituo cha Polisi.

Jeshi la Polisi kupitia kwa OC CID,lilieleza kwamba kinachosubiliwa ni Gwaride la utambuzi ili mtoto aliyekatiliwa amtambue mhusika.

Hatimae Gwaride limefanyika leo Mei 26,2023, na Mtoto amemtambua mara tatu mhusika ambaye anashikiliwa na Jeshi la Polisi kituo cha Kabanga wakati akisubili kupelekwa mahakamani.

Kwa Kipekee,Shukurani ziwaendee Mh. mkuu wa Wilaya ya Ngara Kanali Mathias Julius Kahabi ambaye baada ya kumpa taarifa aliwasiliana na vyombo vya usalama kuhakikisha jambo hilo linashughulikiwa kwa haraka.

SMAUJATA Ngara, pia tunawapongeza Simamia Media Group ambao walikuwa bega kwa bega kufuatilia tulio hilo ili kuhabarisha Umma,Samuel Henriko Herman mwakilishi wa Vijana UVCCM Ngara na OCS wa Kabanga Afande Osca.

Aidha, Katibu wa U.W.T Bi. Neema Twaha Chamani ambaye amekuwa mchago mkubwa hadi kufikia hatua ya taarifa hii anampongeza Mwenyekiti wa Jumuiya ya wazazi Kata ya Kabanga ambaye kwa ujasiri ndiye aliyefuchua taarifa ya ukatili ambayo awali ilikuwa siri kwakushirikiana na mwalimu mkuu wa Shule husika.

Tutaendelea kupeana taarifa na muendelezo wa Kesi.

Imetolewa na,Juventus Juvenary Illambona
Afisa Habari,SMAUJATA-KAGERA