Vita ya Siro. yatoa Majibu wauaji wengine wauwawa Kibiti waonyesha maficho yao.

kutoka-simamia na (Shaaban)

Watu wawili wanaotuhumiwa kuwa wahalifu wameuawa usiku wa kuamkia leo katika msitu wa Ngomboroni katika wilaya ya Ikwiriri mkoani Pwani wakati wa operesheni iliyofanywa na polisi.

Akizungumzia tukio hilo Mkuu wa Operesheni Maalum za Jeshi la Polisi, Naibu Kamishna wa Polisi –DCP, Liberatus Sabas amesema watuhumiwa hao wameuawa usiku wa kuamkia leo katika operesheni inayoendelea kwenye wilaya ya Mkuranga, Kibiti na Rufiji mkoani Pwani.

Sabas amesema askari wakiwa na mtuhumiwa mmoja muhimu anayeshiriki katika mauaji hayo alikubali kwenda kuwaonesha polisi mahali walipojificha wenzake na katika mashambulio na watuhumiwa hao watuhumiwa wawili walijeruhiwa na kufariki wakiwa njiani kupelekwa Hospitali.

Kamanda Sabas amesema polisi wamefanikiwa kupata silaha mbili aina ya SMG na shot gun moja na risasi tisa za SMG.

Mkuu huyo wa Operesheni Maalum za Jeshi la Polisi Naibu Kamishna Sabas amewasisitiza wananchi kutoa taarifa zitakazowezesha kupatikana kwa wahalifu wengine na kuahidi zawadi nono kwa watakaotoa taarifa sahihi.

KutokaSimamiaMediaPekee|HabariZaUhakika.