TAREHE 31/05/2020 MAJIRA YA SAA TATU NA DAKIKA ISHIRINI USIKU (3:20) KATIKA ENEO LA D4N MBULU, BARABARA YA KAHAMA – ISAKA, TARAFA YA KAHAMA MJINI, WILAYA YA KAHAMA NA MKOA WA SHINYANGA GARI LENYE NAMBA ZA USAJILI SM 12482 AINA YA TOYOTA LAND CRUISER MALI YA HALMASHAURI YA USHETU LIKIENDESHWA NA STANLAUS NJAU, MIAKA 45, MCHAGA, DEREVA MKAZI WA MHUNGULA LIKIWA LINATOKEA KAGONGWA KUELEKEA KAHAMA MJINI LILIACHA NJIA, KUPINDUKA NA KUSABABISHA KIFO KWA DEREVA WA GARI HILO NA MAJERUHI KWA MAPENZI WILSON MSHANA , MIAKA 53, AFISA KILIMO WA HALMASHAURI YA USHETU NA MKAZI WA MAJENGO KAHAMA AMBAYE AMEPATA MAJERAHA SEHEMU YA MGUU WA KUSHOTO. GARI HUSIKA LIPO KITUO CHA POLISI KAHAMA. MAJERUHI AMELAZWA KATIKA HASPITALI YA HALMASHAURI MJI WA KAHAMA AKIENDELEA NA MATIBABU NA HALI YAKE INAENDELEA NZURI. MWILI WA MAREHEMU UMEHIFADHIWA HOSPITALINI HAPO UKISUBIRI NDUGU KWA TARATIBU ZA MAZISHI. CHANZO CHA AJALI HIYO NI MWENDOKASI.
KAMANDA WA POLISI MKOA WA SHINYANGA ANATOA WITO KWA MADEREVA KUFUATA SHERIA ZA USALAMA BARABARANI ILI KUPUNGUZA AJALI BARABARANI.
By Simamia Journal
Mussa Mathias
Recent Comments