Italia ni nchi ambayo imekuwa *chachu ya msambao wa vyombo vingi vya muziki vilivyo katika uso wa dunia hii leo*.
Nimewahi kuiandika historia ya kinanda na kama uliifuatilia vizuri,utakumbuka kwamba,mvumbuzi wa chombo hicho ni mu-Italiano kutoka mji wa Padua.
Kama kilivyo kinanda,gitaa pia mvumbuzi wake ni wa huko huko Italia,kwa jina akijukana kama *Gaetano Vinaccia kutoka mji wa Naples*.
*Historia inaonesha ni mambo machache sana yanayojulikana kumhusu Vinaccia ila inasadikiwa kwamba,aliishi kati ya mwaka 1759 na 1831 huko Naples Italia na hakukuwa na habari zozote zilizohakiki kifo chake kilitolea lini,wapi na kwanini*.
Gaetano Vinaccia ndiye mvumbuzi wa gitaa ambaye dunia ilimkubali na kuweka jina lake katika kumbukubu za vitabu vya historia duniani.
“Hili gitaa la nyuzi sita tunaloliona leo,likihanikizwa na wapiga magitaa wengi ilikuwa ni uvumbuzi wa Gaetano Vinaccia.
Gitaa hili la nyuzi 6 lilianza kusambaa barani Ulaya,hasa Ufaransa,Hispania na hukohuko Italia kwenye kati ya miaka ya 1790 hadi 1830,kabla ya kusambaa duniani koteâ€.
*Hivyo basi gitaa ni chombo cha kale kilichoburudisha watu wa kale na kinaendelea kutuburudiasha sisi wa leo,na hakuna dalili ya kupotea kwacho leo,kesho,keshokutwa,mtondo ~goo,achilia mbali karne zijazo*.
Shukrani sana kwa walionitengea muda wao kidogo,kusoma maandiko haya.
*Waandishi huandika ili machapisho yao yasomwe na si kutupwa kwenye debe la taka*?.
By Simamia Journal
?.
Mussa Mathias
Recent Comments