Msuva, Yanga Haifai

Ili kuendelea na kufany mabadiliko mtu yoyote huhitaji kuwa na tamaa kubwa ya kuyafanya yale anayoyaota. Binadamu kiasilia tunapenda kuwa juu yaani promotion kwa kingereza japo huwa tunatambua ni gharama kubwa kupata nafasi hiyo lakini bado tunatamani tu.
Tanzania kuna vipaji vingi mno ikiwepo kipaji cha kusakata kabumbu , kiasilia kila mchezaji anayecheza na ana kipaji cha kusakata kabumbu anatamani kuwa juu zaidi hata ya Ronaldo au Messi kwa kuwa kupanda ni furaha ya binadamu katika kile anachokifanya na kukiamini.
Hapa Tanzania kuna wachezaji wengi ambao kwaa namna moja au nyingine wamefanikiwa na kufikia juu hadhi ambazo huenda walikuwa wakiziota kila siku, ambapo miongoni mwa kuna Simon Msuva anayekipiga huko Wydad casablanca ya Moroco.
Huyu jamaa ni mbongo wa hapahapa tena Dar es salaam ambaye alianza safari yake ya soka academy ya Azam baadae kupata mafanikio zaidi akiwa klabu ya Yanga muda huo akicheza winga. Kwa sasa yupo chini ya mkataba na Wydad Casablanca ya Moroco japo hakuko na maelewano mazuri kutokana na suala la malipo na pesa hali iliyopelekea kurudi Tanzania na kufanya mazoezi na vilabu vya hapahapa nchini, swali kubwa kwa Watanzania ni JE MSUVA ATARUDI KUCHEZEA VILABU VYA TANZANIA?
Wadau wengi wa soka nchini wamekuwa wakitabiri sehemu ambayo Msuva atatua kama ataamua kubaki nchini wengine wakisema ataenda Simba wengine wakisema atarudi Yanga jambo liligeuka kuwa mjadala mkubwa huko mtaani.
Kiukweli Simon Msuva ni kijana mwenye kiu kubwa sana ya mafanikio, hivyo basi bado anatamani kwenda juu zaidi huenda hata kuchezea Barca au Madrid na zinginezo kubwa hivyo basi ni kwa nadra sana yeye kuamua kurudi tena ligi ya bongo.
Simaanishi kuwa ligi yetu ni kanjanja au mbovu ila kwa kuwa ashapata nafasi ya kufika mbali kiasi ni mgumu kurudisha nyuma tena juhudi alizopigania kwa muda.
Mimi namshauri Msuva kuelekea klabu ingine ya juu tena zaidi ya Simba na Yanga ili azidi kukua na kupanda maana kurudi hapa kuna mengi huenda akashuka kiwango chake japo atapata nafasi kubwa zaidi ya kucheza, ila bwana tunaishi kuweka alama yaani legacy hivyo kupanda kwake ndiyo ubora wake na hiyo legacy.
Vipi wewe unamshauri nini Simon Msuva?
@ventasmalack