MTOTO ALIWA NA FISI-SHINYANGA

TAARIFA KWA VYOMBO VYA HABARI TAREHE 02/06/2020.

MNAMO TAREHE 01/06/2020 MAJIRA YA SAA MOJA JIONI (1: 00) HUKO KITONGOJI CHA MWAGALA, MAENEO YA UGWETO, MANISPAA NA MKOA WA SHINYANGA MTOTO AITWAYE CHARLES CHRISTIAN MAKILIKA, MWENYE UMRI WA MIAKA 2 NA NUSU, MHEHE NA MKAZI WA UGWETO AKIWA ANACHEZA NA WATOTO WENZAKE NJE YA NYUMBA YAO ALIJERUHIWA KWA KUNG’ATWA NA FISI SEHEMU ZA USONI KISHA KUBURUZWA UMBALI WA MITA 50 AMBAPO FISI HUYO ALIMUACHIA BAADA YA KUSIKIA KELELE ZA WANANCHI WALIOKUWA WAKIMFUKUZA.

MTOTO HUYO ALIFARIKI DUNIA AKIWA NJIANI AKISAFIRISHWA KWENDA HOSPITALI YA RUFAA YA BUGANDO MKOANI MWANZA KWA MATIBABU.

MWILI WA MAREHEMU UMEHIFADHIWA KATIKA HOSPITALI YA RUFAA MKOA WA SHINYANGA.

KAMANDA WA POLISI MKOA WA SHINYANGA ANATOA WITO KWA WAZAZI NA WALEZI KUHAKIKISHA KWAMBA WATOTO WAKO MAZINGIRA SALAMA MUDA WOTE, WASIACHWE PEKE YAO , WANANCHI WANATAKIWA KUCHUKUA TAHADHARI HASA KWA KIPINDI HIKI AMBACHO FISI WAMEKUWA WAKIONEKANA MAENEO MBALIMBALI YA MKOA WETU WA SHINYANGA.

IMETOLEWA NA KAMANDA WA POLISI MKOA WA SHINYANGA.