Prof Lipumba awania urais kwa mara ya tano

Mgombea wa urais nchini Tanzania kupitia Chama cha wananchi-CUF Prof. Ibrahim Lipumba na mgombea mwenza Hamida Abdallah Huweishi, wamechukua fomu za kugombea urais wa Jamhuri ya Muungano wa Tanzania katika Ofisi za NEC leo hii katka ofisi zilizopo Dodoma.

CUF ilimpitisha Profesa Ibrahim Lipumba kwa kura 756 kati ya 789 kuwa mgombea wake wa urais kwa upande wa Tanzania bara katika uchaguzi mkuu wa Oktoba.

Kwa maana hiyo Prof Lipumba anaingia katika kinyang’anyiro cha urais kwa mara ya tano sasa.

Tume ya taifa ya uchaguziCopyright: Tume ya taifa ya uchaguzi

Prof Lipumba anajitosa katika nafasi hiyo katika kipindi ambacho chama chake kinauguza majeraha, ambayo yametokana na mgogoro wa ndani wa madaraka. Na ikiwa Prof Lipumba amerudi ulingoni ili kuirudisha CUF katika hadhi yake ya zamani, bila shaka ana kazi kubwa ambayo ni mlima mrefu kuifanikisha.