SIJAHONGWA GARI NA SHABIBY, NIMEPEWA NA MWIGULU- MWENYEKITI CCM GAIRO.

Mwenyekiti wa CCM wilaya ya Gairo, Shaban Sajilo amekanusha kupewa gari na Mbunge wa jimbo hilo, Ahmed Shabiby kama ambayo Mkuu wa wilaya hiyo, Siriel Mchembe amedai, baada ya viongozi hao kuwa na mgogoro.

“Baada ya kupewa hilo gari vyombo cha usalama vilimwita kumuhoji kuhusu gari alipewa kwa malengo gani wakati uchaguzi umekaribia, lakini alikasirika” Alisema Mkuu wa wilaya ya Gairo.

Akijibu tuhuma hizo, Mwenyekiti wa CCM Gairo, Sajilo amesema; “Hii gari aina ya ‘Verossa’ nimepewa na Mh. Mwigulu Nchemba kama zawadi, mimi ni msaidizi wake kwa upande wa dini ya Kiislam tangu mwaka 2011 kabla sijawa Mwenyekiti, ameweka wasaidizi kwenye pande mbili zote za dini (Ukristo na Uislam) kuhusu changamoto zao”

“Ile gari alinipa hotelini alikuwa ana shughuli pale, sio mara ya kwanza kunipa visaidizi vya kazi, baadae mkuu wangu wa wilaya alianza kunitangazia kuwa nimehongwa na Shabiby ili amchafue mbunge kwa wanaCCM”

“Alinipeleka kwa TAKUKURU wilaya baada ya kunisikiliza wakaniambia hayo ni majungu yetu kwenye mambo yetu ya uongozi, wakanipeleka mkoani pia nikahojiwa nasubiri majibu”