UNESCO: WATOTO MILIONI 258 DUNIANI HAWAKWENDA SHULE MWAKA 2018

UNESCO: WATOTO MILIONI 258 DUNIANI HAWAKWENDA SHULE MWAKA 2018
–
Ripoti mpya ya hali ya elimu duniani ya Shirika la Elimu, Sayansi na Utamaduni la Umoja wa Mataifa (UNESCO) imesema watoto milioni 258 hawakwenda shule mwaka 2018, sawa na 17% ya vijana ulimwenguni
–
Takriban asilimia 90 ya vijana walioathiriwa zaidi ni kutoka nchi za Afrika zilizo Kusini mwa Jangwa la Sahara na Asia. Umasikini umetajwa kuwa ndio haswa unaoathiri fursa za elimu
–
Ripoti hiyo pia imeeleza kwamba mamilioni ya wavulana na wasichana wanabaguliwa katika mifumo ya elimu kwa sababu ya asili zao au ulemavu walionao
–
Aidha, ripoti hiyo imebaini kuwa katika nchi zenye kipato cha chini na cha kati, watoto wenye ulemavu, kwa 19% wapo chini ya kiwango cha kuhudhuria masomo
–
Imesema makundi yenye matatizo mbalimbali yanawekwa au yanasukumwa nje ya mifumo ya elimu kupitia maamuzi yanayosababisha kutengwa kimitaala, vitabu vinavyotumiwa na ubaguzi katika ugawaji wa rasilimali
–
Mkurugenzi Mkuu wa UNESCO, Audrey Azoulay amesema nchi 41 tu Ulimwenguni zinazotambua rasmi lugha ya ishara na kuwa shule nyingi zinang’ang’ana kuweza kupata intaneti kuliko kuwapa kipaumbele wanafunzi wenye ulemavu