Huu ndo Uchambuzi Makini wa Diamomd

Baada ya kuachiwa EP ya Diamond iitwayo First of all watu wamesema mengi mojawapo ni huyu mchambuzi na mwandishi wa Gazeti fulani,Arnold Philemon, yasome hapo chini;
Kinachodhihirika kwa sasa ni kwamba uzinduzi wa EP umepewa promosheni kubwa kuliko ukubwa wa kazi yenyewe. Ukisikiliza ladha ya midundo katika nyimbo za EP hii, utunzi wa mashairi, wanamuziki walioshirikishwa na prodyuza sio wale wanaoweza kumpeleka kimataifa, ukubwa wao katika soko la dunia ni mdogo ikilinganishwa na yeye.

Hadi sasa YouTube wimbo ulioshika chati ni wimbo unaozungumzia watu maarufu kikwetu kwetu huku ukiwa na vichombezo vya mipasho na umbea. Diamond bado anasumbuliwa zaidi na washindani wa ndani badala ya kutazama kimataifa – ‘duniani’. Diamond alikuwa amekwisha anza kufanya vizuri zaidi alipo washirikisha akina Neyo, Rick Ross na Omarion na pengine ndio maana alitokelezea kwenye nominations za kimataifa na shoo kubwa zaidi. Lakini kwenye EP yake katurudisha kwa akina S2Kizzy, Zuchu, Mbosso, Jaywillz na Focalistic.

Wanamuziki wa ukubwa wake akina Davido, Wizkid na Burnaboy wao wanatumia muda mwingi na akina Chris Brown, hata makinda wa Nigeria kama Fireboy na Omah Lay wameshatua kutafuta manguli akina Ed Sheeran na Justin Bieber. EP ya Diamond imemwonyesha kuwa bado ni mtu wa kunakili samplings za wengine kwa kivuli cha kizuri huigwa na mashabiki zake wanamuunga mkono!

Diamond anazidi kuwa mkubwa kimuziki nchini kulingana na ukubwa wa matukio yake na uwekezaji aliofanya lakini kasi ya kwenda kimataifa imedorola. Ndani tunampa ukubwa ambao kimataifa haumtambulishi hivyo. Kwenye andiko langu la mwaka 2021 nilishauri pia aachane na wapambe nuksi kwa sababu ukaribu wao na yeye ni wa kimaslahi zaidi kuliko kazi.

Sikio la Baba Levo haliwezi kutambua mixing za muziki wa huko duniani, Diamond ameridhika na ukubwa anaopewa na familia ya WCB lakini muziki huu hauwezi tena kumvusha; anahitaji zaidi watu wa kimkakati kufanikisha hadhi yake barani Asia, Ulaya na Marekani. Anahitaji kujitafakari upya.
_________________
vipi wewe unaonaje ni sawa au la dondsha comment.